VOV4.Xơ Đăng - Ing apoăng hơnăm troh nôkố pơlê kong kơdrâm Buôn Ma Thuột tối ai 12 rơpâu 304 ngế tâ COVID-19, vâ chê tơdế kơxô̆ mơngế tâ pơreăng a Dak Lak. Mơhé tâ pơreăng COVID-19 hên, la kơxô̆ mơngế ki châ pâk vaccine hên (97% ngế châ pâk trum má 2 ƀă vâ chê 50% ngế châ pâk trum má 3), maluâ  kơxô̆ mơngế tâ tú rế ó la mot pơlât a hngêi pơkeăng ôh tá ‘nho hên. Tung kơxô̆ lối 12 rơpâu ngế tâ tú COVID-19 dế pơlât a hngêi, hiăng ai vâ chê 4.700 ngế prêi lĕm, bú ai 22 ngế ki pơ’lêh rế râ ó vâ tối 0,17%.

Vâ chê  99%  ngế tâ COVID-19  a pơlê kong kơdrâm Ƀuôn Ma Thuột pơlât dêi a hngêi

Tiô tối tơbleăng dêi kơvâ ngăn pơkeăng pơlât, mơhé kơxô̆ mơngế tâ tú rế ó djâ pơlât a hngêi pơkeăng iâ, la kuăn pơlê pôi tá pro tơná ôh tá xâu, pôi tơngôu. Kuăn pơlê tâng ôh tá mơhúa tro tâ pơreăng mê pôi tá préa, pôi tá tô tuăn luâ râ; tâi tâng rêm ngế kal thế pêi pro tro tiô pơkâ 5K, kơdroh prôk lăm a tíu pú hên.

Drêng tâ tung châ tơná tơviah thế test a hgêi vâ ‘nâi hôm tâ COVID-19. Tâng yương tĭnh, thế tơbleăng ăm khu ngăn pơkeăng a tíu tơná ối vâ châ hnê hơhno pơlât.

Gương tơplôu ƀă tơbleăng