VOV4.Xơ Đăng - Ing apoăng hơnăm troh nôkố, kong pơlê Dak Lak hiăng tối ai 710 ngế tơngê lo mơheăm ƀă 20 tíu xiâm ai hên ngế tơngê lo mơheăm. Mâu kơvâ cheăng khu râ kăn dế thâ tơbleăng mâu tơdroăng pêi pro vâ mơdât ki tâ tú dêi pơreăng tơngê lo mơheăm. Tung kơxô̆ 710 ngế tơngê lo mơheăm, krê ing apoăng khế 6 troh nôkố hiăng ai 388 ngế.

Kăn ƀô̆ ngăn pơkeăng hnê kuăn pơlê kơdê kiâ ngu ngĕng, ôa tri trôu

Pơreăng tơngê lo mơheăm nôkố tâ tú a 15 tơring, pơlê krâm, pơlê kong kơdrâm, tung mê, tơring Ea Súp tối kơxô̆ mơngế tơngê lo mơheăm tâk hên má môi ai 195 ngế. Krê to tung măng tĭng hdrối, kơxô̆ mơngế tơngê lo mơheăm tâk hên tung kong pơlê, tâk troh 63% tâng vâ pơchông ƀă hơnăm nah. Tiô tối tơbleăng tung la ngiâ, kơxô̆ mơngế tơngê lo mơheăm kô tâk hên tâng kuăn pơlê ôh tá mơdêk hlê plĕng tung hbrâ mơdât pơreăng.

Gương tơplôu ƀă tơbleăng