VOV4.Xơ Đăng - Hâi lơ 16/2, Hngêi pơkeăng Đăi hok Ƀuôn Ma Thuột, a bêng Tân An, pơlê kong kơdrâm Ƀuôn Ma Thuột, kong pơlê Dak Lak hiăng tơkŭm po leh phiu ro hiăng kêi đeăng ƀă hiăng pêi cheăng. Hngêi pơkeăng ai tâi tâng kơxô̆ liăn mơ’no mơjiâng pro lối 600 rơtal liăn, ai 200 to xoăng koi pơlât ƀă mâu chuyên khoa ki xiâm, môi tiah: Ngoại Tổng Quát; Ngoại Thần Kinh; Nội Tổng hợp; Phụ Sản, Kơbong tŏng kum mơhum kuăn ngá IVF; Tim Mạch Can Thiệp; Tối hdrối tơdroăng châi ing xup um; khăm ngăn mơheăm; Mơdât ƀă pơlât tơdroăng ŭm tung châ; Tíu xiâm pơlât hơ’nĕng kéa ngiâ – Pro ăm lĕm ngiâ méa ƀă hía hé.

Pôe ché phiu ro hiăng pro kêi đeăng Hngêi pơkeăng

Hngêi pơkeăng châ hbrâ mâu troăng tối tơdroăng châi ing um ƀă pơlât tiô troăng rơxông nếo. Tơdroăng ki mơjiâng Hngêi pơkeăng Đăi hok Ƀuôn Ma Thuột kô kum kơdroh hâ ho ăm mâu hngêi pơkeăng a râ kơpêng, ki rơhêng vâ tối tơxâng tiô tơdroăng kal vâ dêi kuăn pơlê tung kong pơlê ‘na mâu tơdroăng pơlât kih thuât rơxông nếo môi tiah pơlât châi plâi nuih, ngoại khoa, pơlât mâu ngế ki pá vâ ai kuăn ‘nĕng ƀă hía hé ƀă ki hôm ƀă tơdroăng khăm pơlât tơtro tiô pơkâ lâp plâi tơnêi.

A Sa Ly tơplôu ƀă tơbleăng