VOV4.Xơ Đăng - Hlo ai hên ngế tâ tú pơreăng nếo BA.4 ƀă BA.5 a Việt Nam ƀă ki tâ tú rĕng ƀă pro chiâng pơreăng ki ê, ing hâi lơ 7/7 troh lơ 31/7/2022, kong pơlê Dak Lak kô pơtối xo lối 100 rơpâu klŏng vaccine hbrâ mơdât COVID-19 roh má 25 vâ tơniăn ki pâk vaccine ăm tâi tâng kuăn pơlê. Ƀă 110 rơpâu 100 klŏng vaccine hbrâ mơdât COVID-19 rôh kố, Dak Lak kô pâk tro tiô pơkâ ing 12 hơnăm tơngi klêng pâk trum má 1, 2 châ lối 90%; Khu ing 5-11 hơnăm kơxô̆ mơngế pâk vaccine châ lối 90%.

Dak Lak: Pơtối xo lối 100 klŏng vaccine hbrâ mơdât COVID-19

Vâ rôh pâk vaccine má 25 châ to tiô pơkâ, Tíu xiâm séa ngăn mơdât pơreăng kong pơlê Dak Lak hiăng tí tăng ‘nâi plĕng ăm Vi ƀan kong pơlê ƀă Khu xiâm ngăn pơkeăng pơlât vâ hnê mơhno ƀă châ pâk troh ing kong pơlê troh tơring ƀă cheăm, hlối mơdêk hnoăng hnê tối ăm kuăn pơlê, vâ kuăn pơlê hlê pâk vaccine cho vâ hbrâ mơdât pơreăng ăm kuăn pơlê, vâ kuăn pơlê hlê pâk   vaccine cho hnoăng pơxúa ăm tơná rêm ngế kuăn pơlê.

Gương tơplôu ƀă tơbleăng