A Dak Lak, pơreăng tơngê lo mơheăm dế hlo rế tâk , mơni kô tâ tú hên a rôh rơnó mêi. Riân sap apoăng hơnăm troh nôkố, lâp tung kong pơlê hiăng ai 283 ngế tơngê lo mơheăm, tung mê ai 280 ngế tơngê lo mơheăm Dengue, 3 ngế tơngê lo mơheăm Dengue ki ó. Tâng pơchông ƀă khế pơtối hdrối mê, tâk lối 40 ngế ƀă ai tơ’nôm 3 tíu tâ pơreăng a mâu tơring Ƀuôn Đôn, Krông Năng ƀă Krông Ana.
Vâ hbrâ mơdât tơngê lo mơheăm, pôi tá ăm tâ tú lâp lu, Tíu xiâm Séa ngăn mơdât pơreăng kong pơlê Dak Lak hiăng hnê mơhno ăm mâu tíu pêi cheăng mơdêk hnoăng cheăng séa ngăn, tí tăng ngăn véc-tơr, tăng ngăn nhên, vâ châ ‘nâi, kơdê tíu tâ tú pơreăng tung kuăn pơlê; ‘nâi nhên kơpong tơ’lêi tâ tú hên vâ tơkŭm lăm xôh pơkeăng kơdê tri trôu hbrâ mơdât tơngê lo mơheăm.
Pakĭng mê mơdêk hnê tối, mơnhôk kuăn pơlê mơgrúa hyôh kong prâi, kơdê tri trôu, kiâ ngu ngĕng, hbrâ mơdât tơngê lo mơheăm a rơpŏng hngêi ƀă tung kuăn pơlê.
Viết bình luận