VOV4.Xơ Đăng - Kơxê lơ 7/6, Vi ƀan hnê ngăn kong pơlê Dak Lak tơkŭm po Rôh hôp ‘no tơdrêng ing troăng hyôh Internet ƀă mâu tơring, cheăm vâ mơnhên tối tơdroăng ki pâk vaccine hbrâ mơdât COVID-19 a kong pơlê. Riân troh nôkố, kong pơlê Dak Lak hiăng tơdah xo lối 3 rơtuh 600 rơpâu klŏng vaccine hbrâ mơdât COVID-19 tŭm túa.

Kong pơlê hiăng pâk ăm mâu ngế sap ing 5 hơnăm tơngi klêng, tung mê, mâu ngế sap ing 12 hơnăm tơngi klêng pâk tŭm péa trum châ vâ chê 96% tơngi  klêng ƀă 26% trum má 1 ăm mâu ngế sap ing 5 troh 11 hơnăm. Dak Lak hiăng tơbleăng pâk trum má 3, trum má 4 ăm mâu ngế sap ing 18 hơnăm tơngi klêng la klêi kơ’nâi pâk ôh tá châ hên, trum má 3 bu châ 33%, tung mê ai 5 tơring châ pá xôp 30%; trum má 4 bu châ 0,5%.

cfgvgtyt

Tâ tá rôh hôp

Ƀă tơdroăng ki hrá pâk vaccine môi tiah nôkố, Dak Lak ối rơlối 73.105 klŏng vaccine. Chiâng kong pơlê tung khu kong pơlê ki ai kơxô̆ ngế pâk vaccine hbrâ mơdât COVID-19 iâ má môi tung lâp tơnêi têa. Vâ mơdêk rĕng tơdroăng pâk vaccine hbrâ mơdât COVID-19 kong pơlê Dak Lak pơkâ thế mau tơring, cheăm pơtối tơbleăng pêi pro mâu tơdroăng pâk vaccine hbrâ mơdât COVID-19 châ mâu tơdroăng pơkâ mơ’no; tơdrêng amê hlối pơkâ thế mâu kơ koan, khu râ athế djâ troăng ahdrối tung tơdroăng pâk vaccine.

Katarina Nga tơplôu ƀă tơbleăng