VOV4.Xơ Đăng - Tung pơla kố nah, kơxô̆ mơngế tro tâ COVID-19 nếo a Gia Lai tâk rĕng, ai hâi châ hlo troh 3 rơpâu ngế. Mơhé tiah mê, kơvâ khăm pơlât ƀă mâu tơring tung kong pơlê pơtối trâm hên pá puât tung rôe tơmeăm khăm pơlât kum tung tơdroăng hbrâ mơdât pơreăng. Tiô pôa Nguyễn Đình Tuấn – Kăn phŏ pơkuâ Khu pơkuâ ngăn pơkeăng ƀă khăm pơlât kong pơlê Gia Lai, sap hơnăm 2022, Vi ƀan kong pơlê pơcháu ăm mâu Khu pơkuâ ngăn pơkeăng ƀă khăm pơlât tơnêi têa mơ’no liăn mơjiâng pro pêi pro tơdroăng rôe tơmeăm khoăng hbrâ, mơdât pơreăng COVID-19, mâu tíu ki tê ôh tá ai teăm tơdrêng tơmeăm khoăng pơlât, kơmăi kơmok khăm pơlât tiô tơkêa.

Hên Hngêi pơkeăng râ tơring ôh tá châ vâ rôe kế ki test rĕng pơreăng SARS-CoV-2 xua yă kơchơ tê mơdró kơnâ tâ yă Khu xiâm pơkuâ ngăn pơkeăng ƀă khăm pơlât tĕm pơkâ. Ƀă tiô pôa Nguyễn Đình Tuấn tối, ki pro pá kân má môi cho hiâm mơno tơmiât rôe, pá ‘na pơkâ mơ’no liăn pơla khu hnê mơhno hbrâ mơdât pơreăng a tơring ƀă mâu hngêi pơkeăng.

A Sa Ly tơplôu ƀă tơbleăng