VOV4.Xơ Đăng - Tơdroăng tối ing Tíu xiâm séa ngăn mơdât pơreăng Hà Nội ăm ‘nâi, hâi lơ 20/2 tung pơlê kong kân ai 5.102 ngế tâ pơreăng SARS-CoV-2, tung mê ai 1,518 ngế tung kuăn pơlê. Vi ƀan pơlê kong kân Hà Nội pơcháu ăm mâu pơlê krâm, tơring, pơlê kong kân hnê mơhno mâu cheăm, bêng pơlê kân chiu tơkŭm séa ngăn ƀă chêh inâi ăm mâu rơpŏng hngêi ki ai ngế tơ’lêi tâ tú.

Mê cho mâu ngế ki tung châ ai tơdroăng châi, mâu ngế ing 65 hơnăm tơngi klêng, vâi kơdrâi ki dế mơ-êa, mâu ngế ki hâi châ pâk vaccine hbrâ mơdât COVID-19 a mâu ngế ki sap 18 hơnăm tơngi klêng. Mâu kong pơlê ngăn a inâi mâu ngế ki tơ’lêi tâ pơreăng tung kong pơlê vâ hbrâ kơxô̆ khăm test  rĕng, hnê mơhno mâu tíu pêi cheăng tơdjâk troh tơkŭm rôe test rĕng vâ khăm ngăn.

Gương tơplôu ƀă tơbleăng