VOV4.Xơ Đăng - A hneăng hôp khu chêh hlá tơbeăng Chin phuh tiah hmâ khế 2, pôa Đỗ Xuân Tuyên, Ngế xiâm phŏ ngăn pơkeăng pơlât ăm ‘nâi: Khu xiâm hiăng mơjiâng pơkâ pak vaccine COVID-19 ăm vâi ‘nĕng ing 5-11 hơnăm ƀă tơbleăng ăm Chin phuh. Ngế pro xiâm hnê ngăn Chin phuh xuân hiăng ai pơkâ môi tuăn rôe vaccine pâk ăm vâi ‘nĕng ing 5-11 hơnăm ai 21 rơtuh klŏng pâk ăm dâng 11,9 rơtuh ngế vâi ‘nĕng ƀă 2 trum pâk.

Klêi tơmâng xo rơkong veăng tối tung kuăn pơlê, mâlối mâu nôu pâ hok tro  ing sap 5-11 hơnăm, 78% ngế nôu pâ ăm dêi kuăn pâk, vâ tối kuăn pơlê vâ môi tuăn ƀă tơdroăng pâk vaccine COVID-19 ăm vâi ‘nĕng a khu hơnăm ki mê. Mơ-eăm tung khế 3 châ xo 7 rơtuh klŏng vaccine hbrâ mơdât COVID-19 dêi Pfizer/BioNTech djâ pâk ăm vâi ‘nĕng sap 5-11 hơnăm.

Gương tơplôu ƀă tơbleăng