VOV4.Sêdang - Kơxê lơ 30/9, a Tíu pêi cheăng Chin phuh, jâ Võ Thị Ánh Xuân, Kăn xiâm phŏ hnê ngăn tơnêi têa hiăng tơpui phôn ƀă pôa Yemi Osinbajo, Kăn xiâm phŏ pơkuâ kong têa Kŏng hoa liên ƀang Nigeria vâ thăm tơrŭm cheăng pơla péa pâ Việt Nam – Nigeria. A roh tơpui phôn, Kăn xiâm pơkuâ péa tơnêi têa mơnhên ƀă nhuô̆m, pói vâ thăm mơdêk châ tơƀrê tơrŭm cheăng pơla péa pâ tung la ngiâ; tơpui tơno ‘na mâu troăng pêi ki nhên môi tiah thăm tơpui tơno pơla khu râ kăn xiâm, mâu kơvâ cheăng, ki má lối cho mâu khu râ kăn xiâm.

Jâ Võ Thị Ánh Xuân, Kăn xiâm phŏ hnê ngăn tơnêi têa tơpui phôn ƀă Kăn xiâm phŏ pơkuâ kong têa Nigeria

Péa pâ xuân môi tuăn pơtối tơrŭm krá tơniăn ƀă tŏng kum dêi pó a mâu tíu tơkŭm po hôp tơpui tơno tung hên kong têa, ki rơhêng vâ tối cho Khu lâp kong têa, Khu tơrŭm châu Phi ƀă hía hé. ‘Na pơreăng kân COVID-19, péa pâ mơnhên tŏng kum mâu tơdroăng mơ-eăm thăm mơdêk tơdroăng châ ai vaccine hbrâ mơdât COVID-19 dêi mâu kong têa dế mơnhông mơdêk, pơcháu ăm kơmăi kơmok tung mơjiâng vaccine.

A Sa Ly tơplôu ƀă tơbleăng