VOV4.XơĐang - Kơxo lơ 28/12, a Hà Nội, Khu ngăn mâu ngế ki tro trếo ‘mêi dioxin Việt Nam tơkŭm po leh tơbâ 60 hơnăm hâi trếo ‘mêi dioxin a Việt Nam (10/8/1961-10/8/2021); tơdah xo Mê dái pêi cheăng ối má pái ƀă Hneăng hôp ki kơhnâ rơkê xua mâu ngế tro trếo ‘mêi dioxin rôh má 4, hneăng hơnăm 2016 – 2021. Jâ Võ Thị Ánh Xuân, kăn xiâm phŏ hnê ngăn tơnêi têa pơkâ thế Khu ngăn mâu ngế ki tro trếo ‘mêi dioxin rêm râ kal pơtối hơ’lêh nếo tơdroăng, túa pơkâ pêi cheăng, mơdêk hiâm mơno “Tơrŭm – Ai hiâm mơno lĕm – Pôu râng hnoăng cheăng – Xua mâu ngế ki tro trếo ‘mêi dioxin”, mơdêk tơƀrê tơdroăng cheăng, pêi pro tro tâ nếo hnoăng cheăng tí tăng ‘nâi plĕng pơkâ mơ’no ƀă mơhnhôk mâu kơxô̆ liăn pơlê pơla vâ rak ngăn, tŏng kum ƀă pâ tơdroăng ki tơdâng tơ’mô ăm mâu ngế ki tro trếo ‘mêi dioxin ƀă mâu tơdroăng ƀă hvêa chêng prôk tơtro ƀă tơdroăng mơnhông mơdêk dêi tơnêi têa.

Katarina Nga tơplôu ƀă tơbleăng