VOV4.Sêdang - Tiô rơkong krếo thế dêi jâ Valentina Matviyenko, Kăn xiâm hnê ngăn Hô̆i đong Liên ƀang Kuô̆k hô̆i kong têa Rusi, jâ Võ Thị Ánh Xuân, Kăn xiâm phŏ hnê ngăn tơnêi têa pơkuâ xiâm Khu râ kăn Việt Nam veăng Hneăng hôp tơpui tơno Vâi kơdrâi Châu Á – Âu roh má III tiô troăng mơ’no tơdrêng tung um tiô troăng măng Internet sap hâi lơ 13 – 15/10. Hneăng hôp tơpui tơno vâi kơdrâi Châu Á – Âu hơnăm kố dó inâi ‘’Vâi kơdrâi: Hnoăng lâp plâi tơnêi tung tơdroăng nôkố nếo’’ mơhnhôk tơdroăng ki veăng dêi kơdrâm kăn teăng mâ ing lối 100 kong têa ƀă 20 khu tơrŭm lâp plâi tơnêi.

Xông tơpui a hneăng hôp tơpui tơno, jâ Võ Thị Ánh Xuân kheăn kơdeăn Hneăng hôp vâi kơdrâi châu Á – Âu hiăng tơrŭm, tối ăm dêi pó ƀă mơdêk hnoăng dêi vâi kơdrâi; phiu ro tơdroăng pơxá dêi Hneăng hôp tơpui tơno pro tơ’lêi hlâu vâ tơpui tơno ‘na mâu roh tơ’lêi hlâu ƀă pơloăng mơnúa, Pơ’lêh pêi cheăng xúa kŏng ngê̆ 4.0 ƀă pơreăng kân COVID-19 dế pơtối tơdjâk troh lâp plâi tơnêi tối tơdjuôm ƀă vâi kơdrâi tối krê.

A Sa Ly tơplôu ƀă tơbleăng