VOV4.Sêdang - A Hngêi hôp Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i pơkuâ roh pêi cheăng mơ’no tơdrêng tung um tiô troăng măng Internet ƀă Khu tê mơdró râ kơpêng dêi Hô̆i đong tê mơdró Mih – ASEAN tiô pơkâ dêi Hô̆i đong tê mơdró Mih – ASEAN ƀă mâu tíu hrik hyôh a 12 kong têa.

A roh pêi cheăng, pôa Vương Đình Huệ pói vâ mâu khu tê mơdró dêi Mih ƀă Hô̆i đong Tê mơdró Mih – ASEAN thăm tơpui tơno troăng hơlâ, ôh tá xê to vâ tah lôi pá puât, tơvâ tơvân ƀă pâ thế mâu tơdroăng ki nhên, mê ối tơpui tơno troăng hơlâ tiô troăng rơtế ƀlêi trâng, tá Chin phuh ƀă tê mơdró pơrá ƀlêi trâng dêi kuăn pơlê ƀă mơngế pêi cheăng mê châ pơxúa. Tơdrêng amê thăm tơpui tơno vâ luât Việt Nam rế tơxâng tiô pơkâ tơdroăng rêh ối a Việt Nam, rế tơxâng pơkâ dêi kơpong ƀă lâp plâi tơnêi.

A Sa Ly tơplôu ƀă tơbleăng