VOV4.Sêdang - Kơxê lơ 16/5, a roh hôp má 10, Vi [an pơkuâ Kuo#k ho#i, tơpui ‘na séa ngăn tơdroăng pâ thế dêi kuăn pơlê, mâu kăn pâ thế kal re\ng tơleăng kêi tơdroăng pâ thế dêi kuăn pơlê, tung mê, thế rah mâu Khu xiâm, kơvâ vâ séa ngăn tơdroăng tiâ mơnhê, rơkong pói vâ, pâ thế dêi kuăn pơlê. Tiô tơbleăng tối, ing lối 2.000 roh trâm mâ kuăn pơlê hdrối [a\ kơ’nâi roh hôp má 2, mâu kơ koan dêi Kuo#k ho#i hiăng tơmâng xo [a\ pơtroh kơ koan ai hnoăng séa ngăn, tơleăng 3.320 tơdroăng pâ thế. Maluâ tâi tâng tơdroăng pâ thế dêi kuăn pơlê hiăng châ mâu kơ koan Kuo#k ho#i, Chin phuh [a\ mâu Khu xiâm tiâ mơnhên, laga ai mâu mơ-éa ki tiâ tá hâi tơtro, tá hâi tu\m [a\ tơdroăng kơ-êng ki kuăn pơlê kal vâ châ ‘nâi hlê, thăm nếo tiâ ăm klêi hnoăng cheăng tê. Tơdroăng tiâ bu vâ ví rơkong kơ-êng, chiâng lôi hên tơdroăng, tá hâi tơmâng troh tơdroăng tơleăng ki kal xiâm, thăm nếo ai kuăn pơlê pâ thế tiah kố tiah mê, Khu xiâm tiâ phá tơ-ê. Xua mê, mâu kăn pơkâ kal rak mâu khu xiâm vâ mơnúa séa ngăn troh tá tui lui tơdroăng tiâ mơnhên mâu tơdroăng ki kuăn pơlê hiăng pói vâ, pâ thế.

A Sa Ly tơplôu [a\ tơbleăng