VOV4. Xơ Đăng - Hlo tơdroăng ki ôh tá tơniăn dêi pơreăng COVID-19, Lâm Đồng pơkâ thế kăn ƀô̆,kong chưk, viên chưk ƀă mâu ngế pêi cheăng a mâu tíu cheăng, khu râ, kơvâ cheăng tung kong pơlê pêi pro tơdroăng ki toê xo têa môh séa ngăn pơreăng 3 hâi môi xôh. Hâi lơ 23/11, kong pơlê Lâm Đồng pơtối ai 171 ngế tâ COVID-19, mơdêk kơxô̆ ngế tâ tung kong pơlê tâk troh 2.154 ngế. Kơxô̆ ngế tâ pơreăng tâk rĕng sap ing kong pơlê pro pơhôi mâu troăng hơlâ klâ ối krê pơlê pơla.

Kuăn pơlê troh pro hlá mơ-éa toê xo têa môh a CDC Lâm Đồng

Tiô tơdroăng ki mơnhên dêi Vi ƀan hnê ngăn kong pơlê Lâm Đồng, xiâm kối chiâng pro pơreăng COVID-19 tâ tú hên cho xua ing kuăn pơlê ki lo ing mâu kơpong ki ai troh pơreăng troh a Lâm Đồng mê pro tơkŏng djâ pơreăng, pro pơreăng xông tâ tú tung lâp lu. Vâ pêi pro tro tơdroăng pơkâ pêi péa tơdroăng hbrâ mơdât pơreăng tơƀrê, rak tơniăn ivá châ chăn ăm kuăn pơlê ƀă mơnhông mơdêk cheăng kâ rêh ối, Vi ƀan hnê ngăn kong pơlê Lâm Đồng pơkâ thế mâu kơ koan, tíu pêi cheăng tung kong pơlê pêi pro tơdroăng ki toê xo têa môh rơkong ăm mâu kăn ƀô̆, kong chưk, viên chưk ƀă mâu ngế pêi cheăng 3 hâi môi xôh. Tơdrêng amê hnối pơkâ thế mâu khu tơrŭm, mâu ngế krê troh chêh inâi pâk tŭm kơxô̆ trum vaccine ƀă séa ngăn âm tĭnh tung hâi khế pơkâ.

Katarina Nga tơplôu ƀă tơbleăng

dsdffgffg