VOV4.Sêdang - Hâi lơ 27/10, hâi pêi cheăng má 8, roh hôp má péa, Kuô̆k hô̆i hneăng 15, veăng hnê tối ‘na tơdroăng pêi pro tiô pơkâ, Ƀaoh hiêm pơlê pơla, Khu kăn Kuô̆k hô̆i kong pơlê Kon Tum pâ thế pơtối tŏng kum ‘na ƀaoh hiêm khăm pơlât ăm mâu ngế oh tá kâi châ rôe. Kố cho tơdroăng ki kal kum kuăn pơlê, malối cho hdroâng kuăn ngo ki châ tơdah khăm pơlât ivá, kơdroh ki pá puât ‘na liăn rôe.

Kăn Kuô̆k hô̆i kong pơlê Kon Tum pâ thế pơtối tŏng kum ƀaoh hiêm khăm pơlât ăm kuăn pơlê ki oh tá kâi châ rôe

Tiô tí tăng ngăn dêi Khu kăn Kuô̆k hô̆i kong pơlê Kon Tum ăm hlo, tung kơxô̆ mâu ngế ôh tá châ tơnêi têa veăng kum ‘na ƀaoh hiêm khăm pơlât, ai hên ngế pá puât ‘nâng, ôh tá ai liăn vâ rôe ƀaoh hiêm ăm tơná ƀă rơpŏng hngêi. Malối, mâu ngế ki mê ki hên to mâu hdroâng kuăn ngo. Tung kơxô̆  lối 51 rơpâu 800 ngế kuăn pơlê tung kong pơlê Kon Tum ôh tá ai tơnêi têa châ Tŏng kum ‘na ƀaoh hiêm khăm pơlât mê ai troh lối 49 rơpâu 300 ngế kuăn ngo oh tá ai liăn rôe, kơxô̆ ki mê hên lối 95%.  

Gương tơplôu ƀă tơbleăng