VOV4.Xơ Đăng - Kơxo lơ 19/11, pôa Nguyễn Trọng Nghĩa, Kăn pơkuâ hnê ngăn cheăng Đảng Tơnêi têa, Kăn pơkuâ tơdroăng cheăng kal Tơnêi têa rơtế mâu kăn teăng mâ Kuô̆k hô̆i kong pơlê Tây Ninh hneăng má XV veăng Hneăng hôp trâm mâ kuăn pơlê cho mâu ƀok xối, jâ chĭng, ƀok phop, jâ Phop, khu ngế ki rơkê, khu mô đô̆i a tơring tơkăng kong Tân Châu, kong pơlê Tây Ninh klêi kơ’nâi hneăng hôp má péa, Kuô̆k hô̆i hneăng má XV.

A roh trâm mâ, pôa Nguyễn Trọng Nghĩa tơmâng xo mâu rơkong tơpui tối dêi kuăn pơlê tơring Tân Châu, pơkâ thế khu râ kăn pơkuâ hnê ngăn cheăng Đảng, khu râ kăn pơkuâ tơmâng, ai troăng tah lôi, tơleăng mâu tơdroăng ối tung hnoăng dêi kong pơlê. Tung la ngiâ, kal pơtối thăm hbrâ mơdât pơreăng COVID-19, ôh tá chiâng tơngôu tung tơdroăng pêi cheăng kố a kơpong tơkăng kong.

A Sa Ly tơplôu ƀă tơbleăng