VOV4.Xơ Đăng - Drêng vâ chê troh hâi tĭng kân Noel hơnăm 2021, hâi lơ 17/12, a kong pơlê Nam Định, jâ Bùi Thị Minh Hoài, kăn pơkuâ ngăn Tíu xiâm Đảng, kăn xiâm hnê mơhnhôk cheăng Tơnêi têa hiăng troh pôu, rơkâu ƀok xối kân Vũ Đình Hiệu ƀă mâu ƀok, jâ chĭng mâu thái, mâu jâ hriâm vâ pro ƀok, jâ chĭng a Tiú xiâm pơkuâ ngăn tơdroăng khôp Pâ Xeăng Bùi Chu (cheăm Xuân Ngọc, tơring Xuân Trường, kong pơlê Nam Định).

Teăng mâ kăn pơkuâ Đảng, Tơnêi têa, Măt trâ̆n Tơnêi têa Việt Nam, jâ Bùi Thị Minh Hoài rơkâu ƀok xối kân Vũ Đình Hiệu rơtế ƀă tâi tâng mâu ƀok, jâ chĭng, mâu ngế ki hriâm vâ pro ƀok, jâ chĭng, mâu kuăn khôp Pâ Xeăng tơdah tĭng kân Noel tơniăn lĕm, tơdah hơnăm nếo 2022 ivá rơdêi, hơniâp ro.

Ƀok xối kân Vũ Đình Hiệu pơtroh rơkong mơnê kăn pơkuâ Đảng, Tơnêi têa, mâu khu pơkuâ tơdroăng kal kí, pơlê pơla, khu kăn pơkuâ kong pơlê hiăng đi đo tơmâng ngăn, pro tơ’lêi hlâu ăm mâu tơdroăng ki khôp, tơdroăng loi tĭng dêi kuăn pơlê ki tiô khôp Pâ Xeăng dêi Tíu xiâm pơkuâ ngăn tơdroăng khôp Pâ Xeăng Bùi Chu xuân môi tiah kuăn pơlê tiô Khôp Pâ xeăng tung lâp tơnêi têa.

Katarina Nga tơplôu ƀă tơbleăng