VOV4.Xơ Đăng - Kơxê lơ 22/11, a Hngêi hôp Kuô̆k hô̆i hiăng po leh diâp Mâ dai 40 hơnăm cheăng Đảng, ăm hlá mơ-éa pơkâ pơtê cheăng dêi Khu xiâm kal kí ƀă mâu kăn cheăng tung tíu xiâm Đảng hneăng 12 a Kuô̆k hô̆i ƀă hlối diâp Mê dai  40 hơnăm cheăng Đảng hlối diâp kơpâu reăng rơkâu kơ jâ Nguyễn Thị Kim Ngân, Kăn xiâm hnê ngăn Kuô̆k hô̆i; jâ Tòng Thị Phŏng, Kăn xiâm phŏ hnê ngăn Kuô̆k hô̆i, pôa Vương Đình Huệ diâp Mê dai Độc lập ối má môi ăm pôa Phùng Quốc Hiển, Kăn xiâm phŏ hnê ngăn Kuô̆k hô̆i; diâp Mê dai Độc lập ối má 2 ăm 8 ngế ƀă Mê dai Độc lâp ối má 3 ăm 7 ngế.

Pôa Vương Đình Huệ, Kăn xiâm hnê ngăn Kuô̆k hô̆i tối nhên, mâu kăn ki xo hlá mơ-éa pơkâ pơtê cheăng ƀă châ diâp ăm Mê dai dêi Tơnêi têa rôh kố cho mâu ki hiăng rơkê pêi cheăng ton hơnăm, pêi hên tơdroăng cheăng, hên hnoăng pro kăn pơrá phá, hên hnoăng cheăng pêi ki kal dêi tơnêi têa tung tung pơla hriâm tâp, mơ-eăm ƀă xông tơ-ƀrê dêi mâu ngế ki djâ troăng lĕm ahdrối vâ mâu rơxông ối nếo hriâm ƀối.

 Gương tơplôu ƀă tơbleăng