VOV4.Xơ Đăng -  Kơxo lơ 5/12, a tíu hngêi hôp kân Lê Hồng Phong, pơlê kong kân Hà Nội po hneăng hôp tơpui tơno ‘na cheăng kâ dêi Việt Nam hơnăm 2021 ƀă pơxá ‘’ ‘Mâi mơnhông ƀă mơdêk krá tơniăn”. Tơbleăng a hneăng hôp, pôa Vương Đình Huệ, Kăn xiâm hnê ngăn Kuô̆k hô̆i ăm ‘nâi, hneăng hôp tơpui ‘na cheăng kâ Việt Nam hơnăm 2021 rôh kố cho rôh vâ Kuô̆k hô̆i, mâu kơ koan, khu tơrŭm cheăng tơmâng veăng hnê tối dêi mâu ngế ki rơkê, khu cheăng khoa hok tung tơnêi têa ƀă kong têa ê, mâu khu tơrŭm cheăng dêi Việt Nam, mâu kăn Kuô̆k hô̆i ing mâu rơxông, kuăn pơlê, khu mơdró tung lâp tơnêi têa pleăng.

Pôa Vương Đình Huệ ăm ‘nâi, mâu troăng rơhlâ luât ‘na liăn ngân ƀă tơdroăng tối tơbleăng tung hneăng hôp rôh kố pakĭng tơdroăng ‘na liăn ngân, luât pơkâ ‘na liăn ngân ki Kuô̆k hô̆i hiăng pokâ, ăm phêp tí tăng môi tung mâu tơdroăng pa kĭng tơdroăng hôp Kuô̆k hô̆i ai pơkâ.

Gương tơplôu ƀă tơbleăng