VOV4.Xơ Đăng - Tiô tơdroăng rĕng hbrâ hdrối, ing hơngế, sap hâi lơ 25 – 26/11, a Hngêi Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i ƀă mâu Kăn xiâm phŏ hnê ngăn Kuô̆k hô̆i pêi cheăng ƀă Kăn xiâm chêh tôm xo rơkong Kuô̆k hô̆i, Kăn pơkuâ Ƀơrô Kuô̆k hô̆i, Khu hnê mơhno má môi mâu Vi ƀan dêi Kuô̆k hô̆i, khu râ kăn pơkuâ mâu khu xiâm, kơvâ cheăng Tơnêi têa vâ séa ngăn ‘na 05 tơdroăng ki thâ, tiô tối hdrối châ tơpui tơno a hneăng hôp ôh tá tối hdrối dêi Kuô̆k hô̆i.

Xông tơpui a roh pêi cheăng, pôa Vương Đình Huệ tối nhên, kố cho mâu tơdroăng xiâm ki thâ, kơdrâ, kal khât ăm tơdroăng tăng cheăng pêi ăm kuăn pơlê, laga xuân cho tơdroăng ki pá, tơvâ tơvân, kal thăm hbrâ nhên, tro tiô pơkâ dêi luât. Mâu kơ koan dêi Kuô̆k hô̆i ƀă Chin phuh kal tơrŭm hbrâ nhên, séa ngăn păng ‘nâng, tơniăn hôm păng ‘nâng tơdroăng xiâm 5 tơdroăng; tơdrêng amê, kăn xiâm hnê ngăn Kuô̆k hô̆i xuân pơchân, Kuô̆k hô̆i kô séa ngăn ki hên 5 tơdroăng mê ôh tá kal thế pêi ăm tŭm mâu tơdroăng kố châ hôm păng ‘nâng, hbrâ ôh tá tơniăn tiô pơkâ ƀă ôh tá tơ’nôm mâu tơdroăng xiâm ki ê.

A Sa Ly tơplôu ƀă tơbleăng