VOV4.Sêdang - Klăng leh tơbâ Hâi Khu tê mơdró Việt Nam lơ 13/10, kơxê lơ 7/10, a Hà Nội, pôa Vương Đình Huệ, Kăn xiâm hnê ngăn Kuô̆k hô̆i lăm pôu pêi cheăng VCCI ƀă trâm kăn teăng mâ khu tê mơdró Việt Nam klăng hâi Khu tê mơdró Việt Nam. Xông tơpui a roh trâm mâ, Kăn xiâm hnê ngăn Kuô̆k hô̆i tối nhên, rêm troăng hơlâ dêi Kuô̆k hô̆i, tá tơdroăng mơjiâng luât, khu râ kăn séa ngăn râ xiâm ƀă pơkâ mâu tơdroăng ki kal dêi tơnêi têa pơrá thế ‘măn kuăn pơlê ƀă khu tê mơdró a tíu cheăng tíu xiâm.

Kăn teăng mâ mâu khu tê mơdró, Khu mơnhên hôm păng ‘nâng Kuô̆k hô̆i, Vi ƀan pơkuâ Kuô̆k hô̆i hiăng teăm tơdrêng, rĕng tơbleăng Pơkâ ‘na tŏng kum mơngế pêi cheăng ƀă mơngế xúa mơngế pêi cheăng ing Kơxô̆ liăn ƀaoh hiêm ôh tá ai cheăng pêi tâk troh 38 rơpâu rơtal liăn. Tơdrêng amê, pâ thế hên tơdroăng xiâm, tung mê ai tơdroăng pói vâ Kuô̆k hô̆i séa ngăn tơdroăng tơdâng Pơkâ, Thông tư vâ tơniăn châ tro ƀă tơdroăng dêi luât ƀă pêi pro tơdrêng; tơbleăng rĕng mâu troăng hơlâ tŏng kum ki nhên mâu khu tê mơdró dế trâm pá, tro tơdjâk dêi pơreăng COVID-19 tiô troăng tơ’lêi châ achê, tơtro ƀă tơdroăng dêi khu tê mơdró, ƀă mâu kơvâ ƀă kô châ xúa troăng hơlâ tŏng kum dêi Tơnêi têa.

A Sa Ly tơplôu ƀă tơbleăng