VOV4.Sêdang -  Kơxê măng lơ 4/11, a Hngêi Kuô̆k hô̆i, klăng Hâi luât Việt Nam (9/11/2021), pôa Vương Đình Huệ, Kăn xiâm hnê ngăn Kuô̆k hô̆i trâm mâ kăn teăng mâ Kuô̆k hô̆i pêi cheăng pôu râng hnoăng pơkuâ môi tơdroăng cheăng, kăn ƀô̆, kŏng chưk khô̆i mâu kơ koan luât, hnê arak luât, hriăn plĕng mơjiâng luât a Kuô̆k hô̆i. Xông tơpui a roh trâm mâ, pôa Vương Đình Huệ tối nhên, Hâi Luât Việt Nam cho hâi dêi tâi tâng kuăn pơlê, hâi nhuô̆m ƀă rak vế luât.

Ƀă mơngế pêi ‘na tơdroăng mơjiâng luât tung kơ koan mơjiâng luât mê thăm ai pơxúa tâ. Kăn xiâm hnê ngăn Kuô̆k hô̆i pói vâ, mâu ngế pêi ‘na tơdroăng mơjiâng luât thế tơmâng kơ koan tơbleăng mơ-éa tơkêa bro luât, tơmâng mâu ngế rơkê, tơmâng dêi pó vâ tơdroăng mơjiâng luât tơniăn tơdrăng lĕm, tơdâng tơ’mô, ai tơdroăng ki tơniăn, chiâng ton xŏn; ki rơhêng vâ tối ôh tá ăm ai tơdroăng pro pơxúa hên khu tung tơdroăng mơjiâng luât, tơxâng tiô pơkâ mơjiâng, mơnhông mơdêk tơnêi têa krá tơniăn ƀă pơkâ mot tơrŭm lâp plâi tơnêi. Kố cho tơdroăng pơkâ păng ‘nâng ki kuăn pơlê pơkâ ƀă mâu ngế pro luât.

A Sa Ly tơplôu ƀă tơbleăng