VOV4.Sêdang - Drêng veăng hôp ƀă mâu Kăn xiâm Kuô̆k hô̆i Lâp plâi tơnêi rôh má 5, a tíu pêi cheăng khu lâp kong têa hôp a Vienna, kong têa Áo, pôa Vương Đình Huệ, Kăn xiâm hnê ngăn Kuô̆k hô̆i hiăng trâm Ngế xiâm pơkuâ ngăn trếo tik nik lâp plâi tơnêi - IAEA cho pôa Rafael Mariano Grossi. A rôh trâm mâ, IAEA tơbleăng kô ăm pái khu kơmăi khăm ngăn PCR ki chiâng khăm ăm ‘nâi xêh ƀă hên mâu tơmeăm ki ê, tơhrâ kum lối 470 rơpâu euro ăm Việt Nam vâ xúa tung plâ mơdât pơreăng. Ngế xiâm pơkuâ ngăn IAEA hâk mơnê Việt Nam chêh inâi veăng mot cheăng tung Hô̆i đong Khu xiâm pơkuâ IAEA hneăng hơnăm 2021-2023 hlối puí vâ Việt Nam pơtối veăng kum IAEA.

Pôa Vương Đình Huệ pâ thế, IAEA hnê ‘na tuá pêi cheăng, veăng kum kih thuât pro klêi tơdroăng mơjiâng luât vâ rak ngăn ƀă xúa kơmăi châ tơ-ƀrê ‘na kơmăi mơjiâng pro trếo tik nik ki vâ mơnhông cheăng kâ, rơtế ƀă kring vế hyôh kong prâi ƀă hbrâ mơdât hyôh kong prâi pơ’lêh, kum Việt Nam cheăng ƀă kơmăi kơmok, hnê ƀă mơdêk rơkê cheăng tung tơdroăng xúa kơmăi kơmok ‘na trếo tik nik tung tơdroăng ‘na pơkeăng, hbrâ mơdât COVID-19.

Gương tơplôu ƀă tơbleăng