VOV4.Xơ Đăng - A Hngêi hơdruê Kân, pơlê kong kân Hà Nội, hiăng tơkŭm po Leh pơ-ôu pơ-eăng ƀă diâp inâi ‘’Kuăn pơlê pêi chiâk deăng Việt Nam ki rơkê má môi hơnăm 2021’’. Pôa Vương Đình Huệ, Kăn xiâm hnê ngăn Kuô̆k hô̆i veăng leh pơ-ôu pơ-eăng. A roh leh, pôa Vương Đình Huệ ƀă mâu khu râ kăn xiâm pơkuâ Đảng, Tơnêi têa hiăng diâp Kih niê̆m chương, Ƀâng kheăn kơdeăn pơ-ôu pơ-eăng 63 kuăn pơlê pêi chiâk deăng ki rơkê, teăng mâ ăm rơtuh ngế kuăn pơlê pêi chiâk deăng ki rơkê tung lâp tơnêi têa.

Leh pơ-ôu pơ-eăng ƀă diâp inâi ‘’Kuăn pơlê pêi chiâk deăng Việt Nam ki rơkê má môi hơnăm 2021

Xông tơpui a roh leh, pôa Đỗ Văn Chiến, Kăn xiâm hnê ngăn Vi ƀan xiâm Măt trâ̆n Tơnêi têa Việt Nam mơnhên, Đảng ƀă Tơnêi têa mơnhên, pêi chiâk deăng, kuăn pơlê pêi chiâk deăng, thôn pơlê đi đo cho tíu ki kal tung tơdroăng pêi cheăng xúa kơmăi kơmok, pêi cheăng tiô rơxông nếo, mơjiâng ƀă gak kring Tơnêi têa. Khu tơkŭm po hiăng pơkâ diâp Inâi kuăn pơlê pêi chiâk deăng Việt Nam rơkê hơnăm 2021 ăm 63 kuăn pơlê pêi chiâk deăng tiô 5 khu: kơvâ păn mơnăn mơnôa; kơvâ pêt tơmeăm khoăng; kơvâ păn mơnăn mơnôa, hên tơdroăng ki ê, ká xi xŏng, ká xi xŏng têa kơxĭ; kơvâ mơjiâng tơmeăm khoăng, uâ mơdiê tê mơdró tơmeăm pêi lo ing chiâk deăng;’ kơvâ tơmiât pêi rơkê, pêi cheăng xúa kơmăi kơmok, rơkê tung tơdroăng mơjiâng thôn pơlê nếo ƀă gak kring Tơnêi têa.

A Sa Ly tơplôu ƀă tơbleăng