VOV4.Xơ Đăng - A pơlê Mơhno tuá lĕm tro - Ôm hyô mâu hdroâng kuăn ngo Việt Nam pơxiâm po leh măng tĭng “Rŭm môi tuăn hdroâng kuăn ngo - tơmeăm khoăng lĕm tro Việt Nam” hơnăm 2021. Pôa Vương Đình Huệ, Kăn xiâm hnê ngăn Kuô̆k hô̆i veăng leh. Tơbleăng a hâi leh, pôa Vương Đình Huệ tối, pêi pro tiô rơkong hnê tối dêi Pôa Hồ “Tơrŭm tuăn, tơrŭm tuăn, tơrŭm môi tuăn - Ƀlêi trâng, ƀlêi trâng, khŏm ƀlêi trâng”, tơrŭm môi tuăn tâi tâng hdroâng kuăn ngo cho troăng rơhlâ hnê mơhno dêi Đảng pin, ƀai hriâm ki kân dêi kăch măng Việt Nam veăng pro ivá ki rơdêi mơ-eăm tung tơdroăng hơ’lêh nếo tŭm tơdroăng, pro pơxúa mâu hnoăng ki kân, ai pơxúa dêi tơnêi têa pin.

Pôa Vương Đình Huệ, Kăn xiâm hnê ngăn Kuô̆k hô̆i tơpui a hâi trâm mâ kuăn pơlê

Pôa Vương Đình Huệ púi vâ Măt trâ̆n tơnêi têa Việt Nam pơtối rak vế ó luâ tâ kơ mê nếo hnoăng cheăng séa ngăn, pêi tơdrăng, mơ-eăm kơhnâ mơjiâng Đảng, mơjiâng khu kăn, pơtối pêi tro hnoăng cheăng tơpui tơno, tơrŭm pơla mâu ngế tung khu, tơkŭm tuăn tơmiât, tơdroăng púi vâ dêi khu cheăng khoa hok, mâu ngế ki rơkê, tơmâng hnê tối dêi rêm râ kuăn pơlê ‘na troăng hơlâ dêi Đảng, luât dêi tơnêi têa. 

Gương tơplôu ƀă tơbleăng