VOV4.Sêdang - Kơxê măng hâi lơ 1/10, a Hngêi Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i veăng leh tơbleăng pơkâ ‘na tơdroăng cheăng, hnoăng cheăng, hnoăng chiâng pêi cheăng ƀă rah khu râ kăn cheăng dêi Kơ koan xiâm hriăn plĕng Luât ƀă roh hôp má môi dêi Hô̆i đong Khoa hok dêi Vi ƀan Pơkuâ Kuô̆k hô̆i. Pôa Vương Đình Huệ, Kăn xiâm hnê ngăn Kuô̆k hô̆i rơkâu Kơ koan xiâm hriăn plĕng luât ai khu luât nếo vâ pơtối mơdêk hôm ki tro păng ‘nâng hriăn plĕng luât, pơkâ pêi tiô ki kal ai phá tơ-ê; rơkâu Vi ƀan pơkuâ Kuô̆k hô̆i ai Hô̆i đong  khoa hok dêi hneăng hơnăm 2021 – 2026.

Kăn xiâm hnê ngăn Kuô̆k hô̆i Leh tơbleăng pơkâ ‘na tơdroăng cheăng, hnoăng cheăng dêi Kơ koan xiâm hriăn plĕng mơjiâng luât

‘Na hnoăng cheăng dêi Kơ koan xiâm hriăn plĕng mơjiâng luât tung la ngiâ, pôa Vương Đình Huệ pơkâ thế, Kơ koan xiâm rĕng tơbleăng mâu pơkâ ‘na tơdroăng cheăng, hnoăng cheăng dêi mâu kơ koan cheăng, mâu hnoăng cheăng ki ê tiô Pơkâ hiăng pơcháu, pơkâ pro tŭm tâi tâng tơdroăng cheăng. Ki rơhêng vâ tối rah xo mâu ngế ki rơkê, mơhnôk mơjiâng khu cheăng rơkê rŭm pêi cheăng, tơkŭm mâu ngế ki rơkê, mâu ngế cheăng khoa hok, mâu ngế hriâm, hngêi trung tung hriăn plĕng.

A Sa Ly tơplôu ƀă tơbleăng