VOV4.Sêdang - A pơlê kong xiâm Vienna, kong têa Kŏng hoa Áo, Hneăng hôp mâu Kăn xiâm hnê ngăn Kuô̆k hô̆i lâp plâi tơnêi roh má 5 hiăng pêi pro kân krip ƀă veăng amê ai lối 100 khu râ kăn mâu kong têa cho mâu khu tơrŭm cheăng ƀă mâu kăn séa ngăn dêi IPU. Khu râ kăn xiâm Kuô̆k hô̆i Việt Nam xua pôa Vương Đình Huệ, Kăn xiâm hnê ngăn Kuô̆k hô̆i pơkuâ xiâm hiăng veăng hneăng hôp kố. Klêi kơ’nâi leh pơxiâm po hiăng tơkŭm po Roh hôp tơpui tơno tâi tâng ing pơkuâ dêi Kăn xiâm hnê ngăn IPU ƀă Kăn xiâm chêh tôm xo rơkong IPU.

Pôa Vương Đình Huệ ƀă mâu kăn xiâm pơkuâ Kuô̆k hô̆i, Kuô̆k hô̆i râ má môi tung lâp plâi tơnêi hiăng tơpui tơno, dó inâi: Vâ châ mơnhông mơdêk krá tơniăn pơkâ tơkŭm tâ tung mâu kơvâ ki lâi, hơniâp ro, phâi hơtô ăm kuăn pơlê, gâk kring kong prâi lơ kơjo mơnhông mơdêk cheăng kâ’’.

Xông tơpui a roh hôp kố, pôa Vương Đình Huệ tối troăng tơmiât pêi pro cho mơnhông mơdêk krá tơniăn kal tơtrŏng tung rak ngăn ivá châ chăn kuăn mơngế  ƀă rak vế kong prâi hên tâ bu tơkŭm ăm mơdêk cheăng kâ. Tơdroăng kố cho tơtro ƀă Pơkâ mơnhông mơdêk krá tơniăn troh hơnăm 2030 dêi Khu lâp kong têa, mê xuân cho tơdroăng ki tơdâng dêi 3 pơkâ cheăng kâ, rêh ối pơlê pơla ƀă kong prâi.

Gương tơplôu ƀă tơbleăng