VOV4. Xơ Đăng - Kơxê lơ 23/11, a Tíu pêi cheăng kăn xiâm hnê ngăn tơnêi têa, pôa Nguyễn Xuân Phúc, kăn xiâm hnê ngăn tơnêi têa diâp Mê dai Độc lâ̆p ối má môi ăm jâ Đặng Thị Ngọc Thịnh, kăn cheăng tung tíu xiâm Đảng, kăn xiâm phŏ hnê ngăn tơnêi têa hneăng hdrối; diâp Mê dái Độc lâ̆p mối má péa ăm pôa Đào Việt Trung, ngế cheăng tung Tíu xiâm Đảng, kăn xiâm hnê ngăn Ƀơrô cheăng kăn xiâm hnê ngăn tơnêi têa hneăng hdrối. Kăn pơkuâ Ƀơrô cheăng kăn hnê ngăn tơnêi têa xuân tơbleăng hlá mơ-éa pơkâ pơtê cheăng dêi Khu xiâm pơkuâ tơdroăng kal kí ƀă jâ Đặng Thị Ngọc Thịnh prế pôa Đào Việt Trung, kăn cheăng tung tíu xiâm Đảng hneăng má 12.

Teăng mâ kăn pơkuâ Đảng, Tơnêi têa, pôa Nguyễn Xuân Phúc, kăn xiâm hnê ngăn tơnêi têa rơkâu, mơnhên tối khât ƀă mơnê ivá veăng kum dêi jâ Đặng Thị Ngọc Thịnh prếi pôa Đào Việt Trung hiăng pêi klêi hnoăng cheăng ki châ Đảng, Tơnêi têa pơcháu.

Katarina Nga tơplôu ƀă tơbleăng