VOV4.Xơ Đăng - Pôa Nguyễn Xuân Phúc, Kăn xiâm hnê ngăn tơnêi têa hiăng tơpui tơno ƀă Kăn xiâm hnê ngăn Kuô̆k hô̆i ƀă Ngế pro xiâm hnê ngăn tơnêi têa ‘na luât pơkâ mơnhông kơmăi kơmok ki dâi lĕm, tung mê ai mâu túa on tơhrik ki vâ sạc, hmốu ƀă hiăng môi tuăn tơbleăng a Kuô̆k hô̆i mê mâu tơdroăng tŏng kum dêi tơnêi têa vâ kum ‘na kơnăi kơmok ki dâi lĕm. Kố cho tơdroăng ăm ‘nâi ing Kăn xiâm hnê ngăn tơnêi têa tơbleăng a kơxê lơ 12/12 a lêh pơxiâm pêi cheăng dêi hngêi kơmăi pro hmốu ô tô VinES a kơpong cheăng kâ tung kơpong cheăng kâ Vũng Áng (Hà Tĩnh).

Tơbleăng a hâi leh, pôa Nguyễn Xuân Phúc tối tiah kố, tơdroăng tơ-ƀrê dêi Vingroup tung tơdroăng chôa hơ’lêh chiâng grup pêi cheăng kâ ki ê dêi Việt Nam mê ối veăng tung tơdroăng ki kal tung mơjiâng mâu nhâ loăng kuăn kiâ kong “Make-in-Vietnam” ‘na pêi pêt, pêi pro, pơtối xúa hmốu on tơhrik ki mơjiâng pro.

Pôa Nguyễn Xuân Phúc, Kăn xiâm hnê ngăn tơnêi têa tối nhên, pơloăng mơnúa mơnhông mơdêk ƀă Việt Nam nôkố thế pơkâ kuăn mơngế, mâu ki rơkê, ƀă khoa hok kơmăi kơmok a tung tíu xiâm tung mơdêk krá tơniăn ton hơnăm. Kố cho khuă ki vâ ăm tơnêi têa pin hluăn ing tơdroăng mơnhông cheăng kâ ki ôh tá tơ-brê, châ mơnhông cheăng kâ tơniăn dêi tơnêi têa, hdroâng kuăn ngo.

Gương tơplôu ƀă tơbleăng