VOV4.Xơ Đăng - Tiô rơkong krếo thế dêi Ngế pro xiâm hnê ngăn kong têa New Zealand,  kơxo lơ 11/11, pôa Nguyễn Xuân Phúc, Kăn xiâm hnê ngăn tơnêi têa pơxiâm veăng hôp to mâu kăn xiâm APEC roh má 28  sap hâi lơ 11 troh lơ 12/11 tiô tơdroăng hôp mơ’no tơdrêng tiô troăng hyôh interet. Kơxo lơ 11/11,  Kăn xiâm hnê ngăn tơnêi têa hiăng pơtroh kơthô ăm Hneăng hôp mâu kăn xiâm khu mơdró APEC tiô um pơtroh ƀâng xup hdrối. Krếo thế mâu khu cheăng kâ APEC ‘no liăn mơjiâng tơmeăm khoăng tung la ngiâ tơdroăng vâ pêi a mâu tơdroăng tơkêa bro on tơhrik krúa, mơnhông cheăng ƀă kơmăi kơmok ki nếo ƀă ki pơxúa ‘na krúa lĕm rế hên tâ, Kăn xiâm hnê ngăn tơnêi têa hlối krếo mâu kong têa cheăng kâ APEC, mâu khu mơdró ƀă mâu khu tơrŭm cheăng lâp plâi tơnêi ‘no liăn mơnhông cheăng kâ krúa lê̆m a Việt Nam.

Pôa Nguyễn Xuân Phúc, Kăn xiâm hnê ngăn tơnêi têa pơxiâm veăng hôp to mâu kăn xiâm APEC roh má 28

Vâ pêi mâu tơdroăng pơkâ mơnhông cheăng kâ, ‘no liăn mơjiâng tơmeăm khoăng krúa lĕm a Việt Nam. Vâ pêi mâu tơdroăng pơkâ mơnhông mơdêk, mơnhông krúa lĕm, krá tơniăn, pôa Nguyễn Xuân Phúc, Kăn xiâm hnê ngăn tơnêi têa tối nhên troh hnoăng pêi pro dêi khu mơdró. Tung mê, tơdroăng vâ mơnhông mơdêk ƀă mơ’no trếo carbon iâ, mơdêk pêi cheăng krúa lĕm xuân cho rôh vâ pơ’lêh ki mơdêk tơbriât cheăng, mơnhông mơdêk krá tơniăn ton dêi mâu khu mơdró.

Gương tơplôu ƀă tơbleăng