VOV4.Sêdang - Drêng troh khế pêi pro xua mâu ngế hơnăm hiăng krâ Việt Nam 2021 khế 10, kơxê lơ 27/10, pôa Nguyễn Xuân Phúc, Kăn xiâm hnê ngăn tơnêi têa lăm pôu pêi cheăng ƀă mâu khu mơdró ki kơhnâ rơkê xua ngế mơdró hơnăm hiăng krâ pơkuâ rak ngăn Hưng Yên ƀă Hà Nội, vâ khĕn kơdeăn mâu ngế hơnăm hiăng krâ ki pơkuâ hnê, rak ngăn ‘na mơdró kâ. Klêi lăm ngăn mâu khu mơdró, pôa Nguyễn Xuân Phúc, kăn xiâm hnê ngăn tơnêi têa hiăng pêi cheăng ƀă kăn xiâm hnê ngăn pơlê kong kân Hà Nội ƀă mâu ngế ki pêi cheăng kơhnâ rơkê cho mâu hơnăm hiăng krâ rak ngăn khu mơdró kâ.

Kăn xiâm hnê ngăn tơnêi têa lăm pôu ngăn hngêi kơmăi pêi cheăng pro tơmeăm xua ngế hơnăm hiăng krâ pơkuâ rak ngăn

Tơpui a hâi pêi cheăng, pôa Nguyễn Xuân Phúc khĕn kơdeăn pơlê kong kân Hà Nội hiăng pêi tro tơdroăng hbrâ mơdât pơreăng COVID-19, troh nôkố kơxô̆ mơngế pâk trum má môi ai lối 95%, trum má 2 lối 57%, pakĭng mê, pêi tro tơdroăng kum kuăn pơlê, khu mơdró ki tro tơdjâk xua pơreăng COVID-19. Tơdrêng amê, pêi tro tơdroăng pơkâ tơniăn rêh ối pơlê pơla, tung mê tơmâng khât troh mâu hơnăm hiăng krâ, tá tŏng kum tơmeăm ƀă rak ngăn ivá ƀă kơxô̆ liăn lối 734 rơtal liăn/hơnăm.

Gương tơplôu ƀă tơbleăng