VOV4.Xơ Đăng - Kơxo lơ 7/11, pôa Nguyễn Xuân Phúc, Kăn xiâm hnê ngăn tơnêi têa hiăng troh veăng Leh tơbâ 40 hơnăm mơjiâng khu Khôp Phop Việt Nam (07/11/1981 - 07/11/2021) ƀă pơxá 40 hơnăm tơdroăng khôp Phop Việt Nam tơrŭm ƀă mơnhông mơdêk tơnêi têa. Hâi leh kân mơ’no tiô troăng hyôh internet ing Hà Nội tơdjêp ƀă mâu tíu mơ’no dêi 63 to kong pơlê, pơlê kong kân tung lâp tơnêi têa.

Kăn xiâm hnê ngăn tơnêi têa teăng mâ Đảng, Tơnêi têa diêp rơvĭu reăng

Xông tơpui a hâi leh, pôa Nguyễn Xuân Phúc, Kăn xiâm hnê ngăn tơnêi têa teăng mâ mâu kăn Đảng, Tơnêi têa pơtroh rơkong rơkâu ki lĕm má môi ăm mâu khu tiô phôp Hòa thượng, Thượng tọa Hô̆i đong ki mơnhên,

Hô̆i đong ngăn tơdroăng tiô khôp Phop xiâm Việt Nam rơtế ƀă mâu ƀok, jâ phop, mâu kuăn pơlê tiô khôp phop tung tơnêi têa ƀă kong têa ê. Ƀă tơdroăng hmâ pêi pro ki lĕm tro dêi tơdroăng khôp Phop Việt Nam tung lối 2.000 hơnăm hdrối, Kăn xiâm hnê ngăn tơnêi têa púi vâ pơkâ hên tơdroăng loi khât a tơdroăng khôp phop Việt Nam rơtế ƀă mâu ngế tiô khôp Phop tung lâp tơnêi têa pơtối mơhno hnoăng tơná, ki nhoăm loi dêi tơná tung tơdroăng mơdêk mơjiâng khu tơrŭm môi tuăn, tơrŭm tung khu ki tiô khôp. Hlối pơtối rơtế ƀă dêi rơpó veăng mơnhông mơdêk túa lĕm tro Việt Nam, hên khôi túa vêa vong dêi droâng mơngế.

Gương tơplôu ƀă tơbleăng