VOV4.Sêdang - Tiô rơkong krếo thế dêi pôa Michael Martin, Ngế pro xiâm hnê ngăn kong têa Ireland, kăn xiâm hnê ngăn Hô̆i đong Kring vế Khu lâp kong têa, pôa Nguyễn Xuân Phúc, Kăn xiâm hnê ngăn tơnêi têa hiăng veăng hôp ƀă tối tơbleăng a hneăng hôp mâu kăn xiâm Hô̆i đong kring vế Khu lâp kong têa ‘na tơdroăng rak tơniăn hyôh kong prâi. A hneăng hôp, Kăn xiâm hnê ngăn Hô̆i đong kring vế Khu lâp kong têa ƀă mâu kăn xuân tối tô tuăn khât hlo tơdjâk ‘mêi dêi hyôh kong prâi pơ’lêh troh tơdroăng hơniâp lĕm ƀă tơniăn lâp kong têa, tối nhên mâu kong têa tung lâp plâi tơnêi kal mơdêk pêi pro hbrâ ví hyôh kong prâi pơ’lêh.

Tung ƀai tối tơbleăng, kăn xiâm hnê ngăn tơnêi têa thế Khu lâp kong têa mơjiâng tíu chêh ‘măn mâu tơdroăng ‘na tơdjâk hên tơdroăng dêi têa kơxĭ tâk đik vâ pro xiâm ki ăm ‘nâi ing tơdroăng pơkâ luât hbrâ ví a râ ki tâk tung lâp plâi tơnêi tối thế Khu lâp kong têa mơjiâng tíu chêh ‘măn mâu tơdroăng tung kơmăi ăm ‘nâi ki tơdjâk hên troăng dêi têa kơxĭ tâk đik vâ pro xiâm ăm ‘nâi ki pơkâ luât hbrâ ví a râ ki tâk tung lâp plâi tơnêi. 

Kăn xiâm hnê ngăn kong têa tối loi khât tiah kố ƀă tơdroăng ki mơ-eăm pêi pro hlối tơrŭm môi tuăn dêi rơpó tung lâp plâi tơnêi, mâu kong têa kô pơ’lêh nhên tiô troăng ki lĕm ƀă krá tơniăn ton ăm  xo ah hmôi.

Gương tơplôu ƀă tơbleăng