VOV4.Sêdang - Trung Thu cho hâi Têt dêi vâi hdrêng, cho roh ki mâu vâi hdrêng châ xah hêi phiu ro hơtô, ối achê nôu pâ, jâ pôa, xah hêi kâ kơƀăn, ngăn mâ khế mơniâ. Laga, a mâu kong pơlê tung lâp tơnêi têa, hơnăm kố hên mâu vâi muăn tơdah Têt Trung thu tung kơpong klâ kơtăn lơ dế rơtế rơpŏng pêi pro klâ kơtăn pơlê pơla vâ hbrâ mơdât pơreăng kân COVID-19. Klăng roh Têt Trung thu, pôa Nguyễn Xuân Phúc, Kăn xiâm hnê ngăn tơnêi têa pơtroh kơthô troh mâu vâi muăn vâi hdrêng, tung kơthô ai chêh: Á rơrêk tung hiâm mơno drêng hên vâi muăn ối kŭn laga chiâng mâu ‘’lêng ối kŭn’’ khên tơnôu, chiâng rêh ối xêh drêng rơpŏng hơngế vâ pêi pro klâ kơtăn; nôu, pâ nhŏng o thế pơtân hơngế mâu muăn vâ pêi pro hnoăng cheăng mơdât pơreăng.

Kăn xiâm hnê ngăn tơnêi têa pơtroh kơthô troh vâi hdrêng phô̆m xông kân, vâi hdrêng roh Têt Trung thu 

Á xuân phiu ro ƀă kheăn kơdeăn mâu vâi muăn hiăng 'nâi tơkâ hluâ pá puât, loi nguăn, châ tơƀrê hôm tung hriâm tâp, tơxâng ƀă tơdroăng ki tơmâng, rak ngăn dêi rơpŏng ƀă pơlê pơla. Mâu muăn thế đi đo păn hiâm mơno nhuô̆m pâ tơnêi têa, tơdroăng hâk mơnê, pói vâ, đi đo hriâm, pât hiâm mơno, hriâm tâp hên tơdroăng vâ kum mơjiâng tơnêi têa pin rế hía rế kro mơdrŏng, tơniăn lĕm mơnhông tơtêk môi tiah Pôa Hồ nhuô̆m pâ hiăng tơngah a vâi hdrêng phô̆m xông kân, vâi hdrêng Việt Nam.

A Sa Ly tơplôu ƀă tơbleăng