VOV4.Sêdang - Kơxo lơ 1/11, a kong pơlê Ninh Bình, pôa Nguyễn Xuân Phúc, Kăn xiâm hnê ngăn tơnêi têa lăm pôu ngăn mâu túa pêi cheăng dêi khu pêi cheăng tơrŭm pêi pro tơmeăm ƀă tê mơdró ki pơxúa tơ-ƀrê, kum hên ngế ai cheăng pêi a kong pơlê kố, mê cho khu pêi cheăng tơrŭm mơjiâng pro tơmeăm, tê mơdró tơmeăm ki pro ƀă tơnêi hneăn Bồ Bát, tơring Yên Mô ƀă Khu pêi cheăng tơrŭm Sinh Dược, tơring Gia Viễn. Rôh kố, pôa Nguyễn Xuân Phúc, Kăn xiâm hnê ngăn tơnêi pâ thế mâu kăn kong pơlê Ninh Bình, mâu tơring Gia Viễn, Yên mô, Khu pêi cheăng tơrŭm Việt Nam ƀă mâu kong pơlê Nình Bình, pro tơ’lêi hlâu ăm mâu khu pêi cheăng tơrŭm mơnhông tơ-ƀrê, kum hên ngế ai cheăng pêi, veăng mơnhông dêi kong pơlê.

Pôa Nguyễn Xuân Phúc, Kăn xiâm hnê ngăn tơnêi khe\n kơdeăn mâu tơmeăm pêi lo dêi khu pêi cheăng tơrŭm Sinh Dược

Tung mê, kal thế tơmâng khât troh ‘na liăn, tơnêi mơjiâng pro, hnê cheăng pêi, tơbleăng tơmeăm pêi lo tê mơdró, malối cho tơmeăm ki pro le\m tơviah, châ mâu tíu vâ rôe môi tiah khu pêi cheăng tơrŭm Sinh Dược ƀă Bồ Bát. Tơdrêng amê, cho kum mâu khu pêi cheăng tơrŭm mơnhông mơdêk pro mâu tơmeăm tiô ki pơxúa, xúa khoa hok kŏng nghê̆ vâ pêi lo tơmeăm châ tơ-ƀrê, ôh tá xê to pro vâ tê mâu tơmeăm pêi lo tiô mơngế vâ rôe ăm vâ chê 100 rơtuh ngế kuăn pơlê Việt Nam mê ối tê ăm kong têa ê.

Gương tơplôu ƀă tơbleăng