VOV4.Xơ Đăng - Kơxo lơ 22/11 a Hà Nội, pôa Nguyễn Xuân Phúc, Kăn xiâm hnê ngăn tơnêi têa lăm pôu ƀă pêi cheăng ƀă Tíu xiâm pơtâng tối hyôh kong prâi Việt Nam – Rusi. Xông tơpui a roh pêi cheăng, pôa Nguyễn Xuân Phúc mơnhên tối, tơrŭm cheăng tŭm têk pơla Việt Nam kong têa Rusi đi đo thăm châ mơnhông mơdêk nếo, mot trâu hơngế păng ‘nâng, ki má lối cho tung tơrŭm cheăng kâ, tê mơdró, cheăng lêng, gâk kring, khoa hok ƀă kŏng ngê̆.

Tối mâu pơkâ ki kal vâ mơ-eăm troh hơnăm 2030 tơnêi têa pin chiâng dế mơnhông mơdêk, ai kơmăi kơmok rơxông nếo, Kăn xiâm hnê ngăn tơnêi têa pơkâ thế Tíu xiâm kal ai mâu troăng prôk veăng kum ăm pơkâ kố, mơ-eăm chiâng Tíu xiâm cheăng khoa hok – kơmăi kơmok ki loi tơngah, mâu kơvâ châ ki rơkê tung kơpong ƀă lâp plâi tơnêi ai ivá veăng ƀă pêi pro mâu tơdroăng khoa hok ki xiâm dêi Tơnêi têa ƀă Khu xiâm pơkuâ mô đô̆i, pơtối cho tíu ki loi tơngah tung tơrŭm cheăng pơla Việt Nam ƀă kong têa Rusi.

A Sa Ly tơplôu ƀă tơbleăng