VOV4.Sêdang - Kơxê lơ 26/10, a tíu pêi cheăng Kăn xiâm hnê ngăn tơnêi têa, pôa Nguyễn Xuân Phúc, Kăn xiâm hnê ngăn tơnêi têa tơdah jâ Tredene Cheria Dobson, Kăn teăng mâ New Zealand a Việt Nam. Pôa Nguyễn Xuân Phúc kheăn kơdeăn Kăn teăng mâ ai hên tơdroăng pêi cheăng ki kal thăm tơrŭm péa tơnêi têa.

Tung pơla pơreăng kân COVID-19, Kăn xiâm hnê ngăn tơnêi têa pơkâ thế tơrŭm tơpui tơno khu râ kăn xiâm ƀă mâu khu râ, pêi pro mâu troăng tơpui tơno ƀeăn ƀĕng, tá mơ’no tơdrêng tung um tiô troăng măng internet; kĭ tơkêa tơdroăng pêi pro tơrŭm cheăng Khu tơrŭm pêi cheăng ton xŏn tung hơnăm kố.

Kăn xiâm hnê ngăn tơnêi têa tơdah Kăn teăng mâ kong têa New Zealand a Việt Nam

Kăn xiâm hnê ngăn tơnêi têa pói vâ péa tơnêi têa mơ-eăm rĕng châ kơxô̆ liăn tê mơdró châ 2 rơtal dollars. Péa tơnêi têa kal mơnhông tơdroăng ki tơrŭm krá tơniăn ƀă môi tuăn tŏng kum dêi pó tâ a mâu hneăng hôp, hneăng hôp tơpui tơno pơla hên mâu kong têa xuân môi tiah tơdroăng pêi ton xŏn kơpong ƀă lâp plâi tơnêi.

A Sa Ly tơplôu ƀă tơbleăng