VOV4.Sêdang - Pơtối pêi cheăng a Pơlê kong kân Hồ Chí Minh, drêng troh leh tơbâ Hâi khu mơdró Việt Nam (lơ 13/10), mê hâi lơ 12/10 , pôa Nguyễn Xuân Phúc, Kăn xiâm hnê ngăn tơnêi têa trâm mâ lối 40 ngế ki tơkêă lối 10 rơpâu khu mơdró dêi khu mơdró hơnăm ối nếo Việt Nam. Kăn xiâm hnê ngăn tơnêi têa tối ƀă mâu tơmeăm ki tro lŭp hên dêi khu mơdró, Khu mơdró Việt Nam xua pơreăng COVID-19 ƀă tối nhoăm, khĕn kơdeăn mâu khu mơdró, mâu khu mơdró mơhé ối trâm hên xơpá la xuân pêi pro tro tơdroăng krếo thế Đảng, Tơnêi têa, veăng tơlo liăn vâ pêi pro tơdroăng tŏng kum tung rêh ối pơlê pơla.

Pôa Nguyễn Xuân Phúc, Kăn xiâm hnê ngăn tơnêi têa trâm mâ mâu khu mơdró

Pơtối rak vế tơdroăng hmâ pêi pro ki lĕm tro dêi khu mơdró Việt Nam, pôa Nguyễn Xuân Phúc, Kăn xiâm hnê ngăn tơnêi têa tối pơchân ăm mâu khu mơdró hơnăm ối nếo Việt Nam 5 tơdroăng kal thế chôu pâ, mê cho athế ai tuăn pâ nhoăm tơnêi têa môi tiah rơxông pâ pôa nah; ‘nâi tơrŭm môi tuăn dêi rơpó ƀă tŏng kum dêi rơpó; ai tuăn mơ-eăm; ‘nâi hriăn plĕng ki nếo vâ châ tơbriât tê tơmeăm ƀă thế ai tuăn loi a tơdroăng cheăng dêi tơná, ai xiâm ki pêi cheăng dêi hdroâng mơngế ƀă tung la ngiâ dêi tơnêi têa.

Gương tơplôu ƀă tơbleăng