VOV4.Sêdang - Tung roh lăm pôu pêi cheăng râ tơnêi têa troh a kong têa Nhuk, a tíu pêi cheăng Kuo#k ho#i Nhuk, pôa Trần Đại Quang, Kăn xiâm hnê ngăn tơnêi têa pin hiăng trâm tơpui tơno [a\ Kăn xiâm hnê ngăn Kuo#k ho#i râ má péa Nhuk cho pôa Tadamori Oshima.

Pôa Trần Đại Quang pâ thế Kăn xiâm hnê ngăn Kuo#k ho#i râ má péa Nhuk pơtối tơmâng thăm trâm tơpui tơno pơla khu râ kăn xiâm [a\ mâu râ, kơvâ cheăng, kong pơlê péa tơnêi têa; tơru\m [a\ Kuo#k ho#i Việt Nam mơnhông tơtêk [a\ thăm tơru\m tâ mê nếo hnoăng mơnhông mơdêk pơla péa tơnêi têa; po hên roh trâm tơpui tơno, hnê dêi pó túa ki rơkê tung kơvâ luât, mơnhông hnoăng séa ngăn; môi tuăn tơru\m krá tơniăn [a\ môi tuăn [a\ dêi pó a mâu hneăng hôp kơpong [a\ lâp plâi tơnêi môi tiah Hôp tơpui tơno khu kăn Kuo#k ho#i châu Á – Thái Bình Dương, Khu tơru\m Kuo#k ho#i lâp plâi tơnêi IPU; môi tuăn tơdroăng Chin phuh Nhuk pơtối to\ng kum Việt Nam mơnhông mơdêk cheăng kâ - rêh ối pơlê pơla hơ’lêh ing tơdroăng to\ng kum mơnhông tơtêk khât ODA.

A Sa Ly tơplôu [ă tơbleăng