VOV4.Xơ Đăng - A pơlê kong xiâm Moskwa,  pôa Nguyễn Xuân Phúc, Kăn xiâm hnê ngăn tơnêi têa ƀă kơdrâi pôa trâm mâ mâu kăn ƀô̆, mâu ngế pêi cheăng a tíu cheăng teăng mâ Việt Nam a kong têa Rusi. Tơpui a rôh trâm mâ, pôa Nguyễn Xuân Phúc, Kăn xiâm hnê ngăn tơnêi têa khĕn kơdeăn tơdroăng cheăng hbrâ tơkŭm lăm pôu rôh kố dêi Ngế xiâm tơpui kâ, mâu khu xiâm, kơvâ cheăng tơdjâk troh ƀă malối cho kăn ƀô̆ mâu ngế pêi cheăng a tíu pêi cheăng teăng mâ Việt Nam a kong têa Kul.

Kăn xiâm hnê ngăn tơnêi têa tối pơchân kăn ƀô̆, mâu ngế pêi cheăng a tíu pêi cheăng teăng mâ Việt Nam a kong têa Kul pêi tro tơdroăng mơgêi kơxô̆ 12 dêi Tíu xiâm nếo achê kố ‘na tơdroăng cheăng mơngế Việt Nam a kong têa ê tung tơdroăng nếo nôkố; pêi tro hnoăng cheăng kring tơniăn hnoăng kuăn pơlê, kum tơdroăng rêh ối kuăn pơlê mơngế Việt Nam ki rêh ối a kong têa ê vâ rế ton rế ai hên tâ nếo mâu tơdroăng cheăng ki pơxúa dêi kuăn pơlê hvái ngăn ‘na xiâm rêi, veăng ‘no hnoăng mơjiâng pơlê, tơnêi têa.

Gương tơplôu ƀă tơbleăng