VOV4.Xơ Đăng - Tung roh lăm pôu pêi cheăng kong têa Rusi, pôa Nguyễn Xuân Phúc, Kăn xiâm hnê ngăn tơnêi têa hiăng trâm mâ tơpui ƀă jâ Valentina Matvienko, Kăn xiâm hnê ngăn Kuô̆k hô̆i kong têa Rusi. A roh trâm mâ tơpui tơno, pôa Nguyễn Xuân Phúc ƀă Kăn xiâm hnê ngăn Hô̆i đong kong têa Rusi kheăn kơdeăn tơrŭm cheăng Việt Nam – Rusi pơtối mơnhông mơdêk tơtro tung pơla kố nah, tá tung mâu kơvâ kal kí, cheăng kâ, tê mơdró ƀă mơ’no liăn cheăng, cheăng lêng ƀă gâk kring, on tơhrik, hyôh on gas ƀă têa châu, têa kơxăng, hnê hriâm ƀă khoa hok…; tối phiu ro mâu tơdroăng châ tơƀrê tơrŭm cheăng pơla péa tơnêi têa tung hbrâ mơdât pơreăng COVID-19.

Kăn xiâm hnê ngăn tơnêi têa trâm mâ tơpui tơno Kăn xiâm hnê ngăn Hô̆i đong kong têa Rusi

Tung mê, tơrŭm cheăng pơla Kuô̆k hô̆i péa tơnêi têa ai hnoăng cheăng ki kal khât. Pôa Nguyễn Xuân Phúc xuân phiu ro tơdroăng tơrŭm cheăng krá tơniăn pơla Kuô̆k hô̆i Việt Nam ƀă kong têa Rusi a mâu hneăng hôp tơpui tơno lâp plâi tơnêi ƀă kơpong.

A Sa Ly tơplôu ƀă tơbleăng