VOV4.Xơ Đăng - Kơxê lơ 13/12, a tíu pêi cheăng Kăn xiâm hnê ngăn tơnêi têa, pôa Nguyễn Xuân Phúc, Kăn xiâm hnê ngăn tơnêi têa tơdah 60 ngế kăn teăng mâ mâu kăn lăm veăng hôp khu kăn kơdrâi cheăng lêng roh má 7 nếo klêi a Hà Nội. Tơpui a rôh trâm mâ, Kăn xiâm hnê ngăn tơnêi têa khĕn kơdeăn kơdrâi cheăng lêng đi đo mơ-eăm tơkâ luâ xơpá, pê klêi tơdroăng cheăng pơcháu, hlối pêi tro hnoăng cheăng dêi ngế kơdrâi, cho mâu ngế ki rak tơdroăng hơniâp tung rơpŏng hngêi.

Kơdrâi cheăng lêng cho mâu ngế ki rơkê ‘’tơdroăng cheăng tơnêi têa, tơdroăng cheăng a hngêi’’. Ƀă lối 9 chât rơpâu ngế kăn bô̆, hô̆i viên ƀă lối 2.000 khu tơrŭm cheăng a cheăm bêng, vâi kơdrâi cheăng lêng dế ai mâ a tâi tâng a mâu tíu pêi cheăng, tung kơvâ cheăng, ki ai tíu pêi cheăng tung lâp lu tơnêi têa.

Mơhé ulâi, pêi cheăng klâi, vâi kơdrâi cheăng lêng đi đo pơtối rak vế mâu tơdroăng ki lĕm dêi Mố đô̆i Pôa Hồ. malối, pơla hơnăm 2016-2021 rôh apoăng ai 41 ngế kăn ƀô̆ hô̆i viên vâi kơdrâi tung khu cheăng lêng veăng kring gak hơniâp dêi Khu lâp kong têa. Tung mê, plâ mơdât COVID-19 hiăng a 1.700 ngế pleăng tơná lăm cheăng plâ mơdât pơreăng.

Gương tơplôu tơbleăng