VOV4.Sêdang - Kơxo lơ 4/11, pôa Nguyễn Xuân Phúc, Kăn xiâm hnê ngăn tơnêi têa hiăng veăng leh tơbâ 190 hơnăm hâi mơjiâng kong pơlê Lạng Sơn ƀă hlối diâp ăm kong pơlê Lạng Sơn Mê dai Độc lập Ối má môi. Teăng mâ Kăn xiâm Đảng, Tơnêi têa, pôa Nguyễn Xuân Phúc, Kăn xiâm hnê ngăn tơnêi têa pơtroh rơkong rơkâu tơdroăng ki lĕm hmâ ƀă rơkâu ăm tâi tâng Đảng ƀô̆, mâu kăn, kuăn pơlê rêm hdroâng kuăn ngo a kong pơlê Lạng Sơn.

Nguyễn Xuân Phúc, Kăn xiâm hnê ngăn tơnêi têa diâp Mê dai Độc lập Ối má môi ăm Đảng ƀô̆, mâu kăn ƀă kuăn pơlê rêm hdroâng mơngế kong pơlê Lạng Sơn

Mâu hnoăng hiăng châ pêi pro ki kân, tŭm tơdroăng ki Đảng ƀô̆, mâu kăn ƀă Kuăn pơlê rêm hdroâng kuăn ngo rêh ối tung kong pơlê Lạng Sơn hiăng châ pêi pro tung pơla hdrối nah tơxâng hâk mơnê, châ Đảng , Tơnêi têa tơmâng xo, khĕn kơdeăn tơdroăng pêi pro lĕm tro roh ton nah dêi kong pơlê Lạng Sơn rế châ ô eăng  ing hên hnoăng pêi tơ-ƀrê, veăng ‘no hnoăng kal kí tung mơjiâng ƀă kring vế tơnêi têa, malối klêi kơ’nâi lối 30 hơnăm hơ’lêh nếo.

Tơdrêng ƀă tơdroăng mơnhông mơdêk cheăng kâ, Kăn xiâm hnê ngăn tơnêi têa xuân pâ thế Lạng Sơn tơmâng mơnhông mơdêk mơhno túa lĕm tro, rêh ối pơlê pơla, rak tơniăn tơdroăng rêh ối, tơmâng mơnhông mơdêk hnê hriâm ƀă hnê mơjiâng tuăn ngôa rơkê, khoa hok kŏng ngê̆, ‘na pơkeăng pơlât, mơdêk khăm pơlât ivá kuăn pơlê.

Gương tơplôu ƀă tơbleăng