VOV4.Sêdang - Kơxo lơ 25/10, a Hà Nội, pôa Nguyễn Xuân Phúc, Kăn xiâm hnê ngăn tơnê têa  veăng leh tơbâ 75 honăm hâi mơjiâng Học viện An ninh nhân dân, tơdah Mê đai Plâ ƀlêi trâng ối má Môi ƀă pơxiâm leh mot hơnăm hriâm nếo 2021-2022. Teăng mâ kăn xiâm Đảng Tơnêi têa, pôa Nguyễn Xuân Phúc , Kăn xiam hnê ngăn tơnêi têa hiăng diâp mê đai plâ ƀlêi trâng ối má môi ăm Học viện An ninh nhân dân ƀă hlối tối hơlâ pơxiâm mot hơnăm hriâm nếo dêi Học viên. A Leh tơbâ, Kăn xiâm hnê ngăn tơnêi têa pâ thế Học viện An ninh nhân dân  thế pơ’lêh  tuăn tơchê̆ng tơmiêt ƀă pêi pro rơdêi vâ mơjiâng Học viên châ tơdâng tơ’mô tơdroăng cheăng , pơtối pê klêi hnoăng cheăng ki pơcháu hnê hriâm ƀă hnê mơjiâng tuăn ngôa rơkê , veăng kring vế tơniăn tơnêi têa, tơniăn ăm kuăn pơlê; pơtối pơ’lêh nếo tâi tâng ‘na hnê hriâm,  pro pơ’lêh rơdêi tơ-ƀrê tơdroăng hnê ƀă hriâm, tơ'nôm ai tŭm kăn ƀô̆ ki rơkê , pêi cheăng tro tiô pơkâ mơjiâng Khu lêng kŏng an nhân dân kăch măng, hnê tŭm, rơkê, tiô túa nếo, kum pêi tơ-ƀrê tơdroăng cheăng kring vế ƀă rak ngăn tơnêi têa ‘na pro tơniăn lê̆m tơnêi têa tung rơxông nêó nôkố.

Gương tơplôu ƀă tơbleăng