VOV4.Sêdang - Khu râ kăn xiâm Việt Nam xua pôa Nguyễn Xuân Phúc, Kăn xiâm hnê ngăn tơnêi têa pơkuâ xiâm hiăng veăng Roh hôp tơpui tơno tơdjuôm khu râ kăn xiâm Hneăng hôp má 76 Grup kring vế khu lâp kong têa. Kơxo lơ 21/9, tiô chô New York, a Tíu pêi cheăng Khu lâp kong têa a pơlê kong kân New York, kong têa Mih, Roh hôp tơpui tơno tơdjuôm khu râ kăn xiâm Hneăng hôp má 76 Grup kring vế Khu lâp kong têa hiăng châ pơxiâm po ƀă dó inâi ‘’Rơtế loi tơngah ƀă mơ-eăm xêh – La ngiâ mơnhông tơtêk klêi kơ’nâi COVID-19, xông tơtêk ƀă mơnhông mơdêk klêi kơ’nâi pơreăng tiô troăng krá tơniăn, tiô Tơdroăng hneăng hôp troh hơnăm 2030 xua tơdroăng mơnhông mơdêk krá tơniăn.

Roh hôp tơpui tơno tơdjuôm khu râ kăn xiâm kô pơtối tơkŭm po troh hâi lơ 27/9, ƀă tiô tơdroăng, pôa Nguyễn Xuân Phúc, Kăn xiâm hnê ngăn tơnêi têa kô ai ƀai xông tơpui ki kal a kơxê lơ 22/9 chôu New York.

A Sa Ly tơplôu ƀă tơbleăng