VOV4.Sêdang -  Mâu hâi rơkê pêi cheăng dêi Việt Nam lơ 4/10, pôa Nguyễn Xuân Phúc, Kăn xiâm hnê ngăn tơnêi têa, nếo ai kơthô krếo rơtế mơdêk ki rơkê tung pêi cheăng: “ Xua môi Việt Nam châ ƀlêi trâng pơreăng ƀă mơnhông tơ-ƀrê’’. Tung kơthô ai chêh: Đảng ƀă tơnêi têa pin đi đo tơmâng, hbrâ rơnáu ƀă pơkâ hên troăng rơhlâ, luât mơnhông mơdêk rơkê plĕng pêi cheăng.Ƀă ki khât gá, mơngế pêi cheăng ki rơkê , malối cho mâu ki rơkê tung pêi cheăng, hiăng ai hên hnoăng veăng ‘no ivá mơnhông mơdêk cheăng kâ-rêh ối.

Drêng troh Hâi rơkê pêi cheăng Việt Nam lơ 4/10 hơnăm kố, a krếo thế tâi tâng kuăn pơlê mơngế pêi cheăng tung lâp tơnêi têa pôi tá pơtê - đi đo mơ-eăm hriâm vâ rơkê tơdroăng cheăng, đi đo hriăn plĕng ‘mâi hơ’lêh túa pêi cheăng vâ châ tơ-ƀrê tâ nếo vâ rơtế tơchoâm ivá tơkâ luâ pơreăng kân COVID-19. A ai môi tơdroăng loi khât tiah kố, mơngế pêi cheăng dêi Việt Nam đi đo pơtối rak vế tuăn lĕm ƀă ivá pêi cheăng dêi tơná vâ mơ-eăm tung hriâm tâp, pêi cheăng ƀă tơmeăm pêi lo, veăng mơnhông dêi tơnêi têa rĕng kâl plâ mơdât pơreăng ƀă mơnhông cheăng kâ krá tơniăn tung mâu hơnăm la ngiâ.

Gương tơplôu ƀă tơbleăng