VOV4.Sêdang - Pôa Nguyễn Xuân Phúc, kăn xiâm hnê ngăn tơnêi têa veăng leh tơbâ 60 hơnăm hâi mơjiâng khu lêng kŏng an veăng kum pá kong  lơ 29/9 ƀă diâp Mê dai Kring vế Tơnêi têa ối má Péa ăm Khu xiâm ngăn pá kong, Khu xiâm Kŏng an. Xông tơpui a hâi leh, Kăn xiâm hnê ngăn tơnêi têa khĕn kơdeăn mâu rơxông dêi khu veăng kum cheăng pá kong dêi kŏng an đi đo mơdêk hnoăng cheăng kăch măng, tơkâ luâ hên tơdroăng pá, tơplâ, pêi cheăng hlâ rêh vâ pê klêi tơdroăng cheăng pơcháu, mơjiâng hên hnoăng cheăng, ai hên hnoăng pêi cheăng ki rơkê kơhnâ tung tơplâ xâ Mih ƀă pơla nôkố, veăng mơdêk tơ’nôm tơdroăng cheăng tơplâ khên tơnôu dêi Kŏng an kuăn pơlê Việt Nam.

Pôa Nguyễn Xuân Phúc, Kăn xiâm hnê ngăn tơnêi têa diâp Mê dai Kring vế Tơnêi têa ối má Péa ăm khu xiâm ki kum pá kong dêi Khu xiâm kŏng an

Kăn xiâm hnê ngăn tơnêi têa pơkâ thế Khu kŏng an veăng kum pá kong pơtối rak vế pêi pro khât tâ nếo tơdroăng cheăng dêi khu lêng kuăn pơlê, mơjiâng Đảng bộ Khu kŏng an kum pá kong dêi kuăn pơlê pêi cheăng, rêh ối krúa rơdêi tá tơdroăng kal kí, tuăn tơmiât pêi pro, tơkŭm hnê mơhno hiâm mơno lĕm tro ƀă tơdroăng cheăng pêi.

Gương tơplôu ƀă tơbleăng