VOV4.Sêdang - Pôa Đỗ Văn Chiến, Kăn xiâm pơkuâ hnê ngăn Đảng, Kăn xiâm hnê ngăn Vi ƀan Măt trân tơnêi têa Việt Nam nếo krếo phôn kơ pôa Uông Dương, Ngế cheăng tung khu xiâm kal kí, Kăn xiâm ngăn ‘na hôp tơpui tơno lâp kong têa Sinuâ. Khĕn kơdeăn tơdroăng tơrŭm ki lĕm tro dêi Sinuâ ƀă Việt Nam tung mâu hơnăm hdrối mê hía nah, pôa Đỗ Văn Chiến ai tối tiah kố, ƀă tơdroăng mơ-eăm tơchoâm dêi péa pâ, tơdroăng tơrŭm cheăng pơla Việt Nam - Sinuâ pơtối mơnhông tơ-ƀrê; púi vâ pơtối tơrŭm pơla Măt trâ̆n tơnêi têa Việt Nam ƀă khu ngăn hôp tơpui tơno lâp kong têa Sinuâ.

Peăng dêi tơná, pôa Uông Dương tối ƀă mâu tơdroăng xơpá dêi Việt Nam dế trâm ƀă tơdroăng pơreăng COVID-19 vêh tâ tú nếo ƀă tối, Sinuâ kô veăng kum hnê tối ăm Việt Nam tung hbrâ mơdât pơreăng ƀă kô kum Việt Nam rôe vaccine hbrâ mơdât COVID-19 tiô ivá tơná ai.

Gương tơplôu ƀă tơbleăng