VOV4.Xơ Đăng - Mơ’nui kơxê lơ 27/12, a Hngêi Kuô̆k hô̆i, pôa Trần Thanh Mẫn, Ngế cheăng tung khu xiâm kal kí, kăn phŏ hnê ngăn Kuô̆k hô̆i trâm mâ 55 ngế kăn teăng mâ veăng Hôp khu ki rơkê “Xua mâu ngế tro trếo ‘mêi rôh tơplâ nah” rôh má 4, pơla hơnăm 2021- 2026. Klêi tơmâng tối tơbleăng ƀă hnê tối dêi mâu kăn, tơbleăng a rôh trâm mâ, Kăn xiâm phŏ hnê ngăn Kuô̆k hô̆i Trần Thanh Mẫn tối nhên, tơdroăng tơplâ xua Mih xế trếo ‘mêi tung rôh tơplâ a Việt Nam hiăng pro 4,8 rơtuh ngế Việt Nam tro tâ trếo ‘mêi ƀă dâng lối 3 rơtuh ngế tro trếo ‘mêi.

Tơdroăng veăng kum tơkâ luâ xơpá xua trếo ‘mêi klêi tơplâ cho tơdroăng   thế pêi pro tơdrêng, hlối kum pêi troh ta ah, vâ tŏng kum, cho hnoăng cheăng pêi dêi tâi tâng mâu ngế, vâ mơnê khât kơ mâu ngế ai hnoăng tơplâ  ki tro xêh trếo ‘mêi ƀă mâu ki tro trếo ‘mêi rôh tơplâ a Việt Nam nah. Kăn xiâm phŏ hnê ngăn Kuô̆k hô̆i pơkâ thế mâu Đảng, mâu kăn rêm râ ƀă khu cheăng kal kí pơtối pêi tro mâu luât pơkâ dêi Đảng, Tơnêi têa ƀă mâu ngế tro trếo ‘mêi pro tơ’lêi hlâu vâ Khu ngăn mâu ki tro trếo ‘mêi dioxin rêm râ pê klêi tơdroăng cheăng dêi Đảng, Tơnêi têa pơcháu tung tơdroăng nếo nôkố.

Gương tơplôu ƀă tơbleăng